რიჟვაძე – გავაგრძელებთ ბრძოლას დეზინფორმაციის წინააღმდეგ, ყველას მოუწევს ბოდიშის მოხდა

გავაგრძელებთ ყველა სამართლებრივი ბერკეტის გამოყენებას და ბრძოლას დეზინფორმაციის წინააღმდეგ, – ამის შესახებ აჭარის მთავრობის მეთაურმა, თორნიკე რიჟვაძემ განაცხადა.

„მინდა, თქვენი ყურადღება გავამახვილო ძალიან მნიშვნელოვან ფაქტზე. თქვენ იცით, რომ მთელი რიგი ტელევიზიები აგრძელებენ როგორც სიცრუის ტირაჟირებას, ასევე, სიცრუის გავრცელებას და იცით, რომ სულ რამდენიმე თვის წინ ჩვენი მთავრობის წევრს, ფინანსთა და ეკონომიკის მინისტრს, ბატონ ჯაბა ფუტკარაძეს მოუგონეს გაუგონარი ჭორი, რომელიც ეხებოდა ქრთამის აღებას. ჩვენ მივიღეთ გადაწყვეტილება, რომ როგორც ეთიკის ქარტიაში, ასევე სასამართლოში მომხდარიყო შესაბამისი დავის წარმოება. ქარტიამ უკვე დაადგინა „ტვ პირველის“ ყველაფრის კადრებაში დარღვევა ინფორმაციის სიზუსტის ნაწილში. ჩვენ მომავალშიც გავაგრძელებთ ყველა სამართლებრივი ბერკეტის გამოყენებას და ბრძოლას მსგავსი დეზინფორმაციის წინააღმდეგ. მისხალ-მისხალ ყველას მოუწევს ბოდიშის მოხდა კეთილსინდისიერი საჯარო მოხელეების მიმართ ყველა მსგავს ცილისწამებასა და დისკრედიტაციაზე“, – აღნიშნა თორნიკე რიჟვაძემ.

წინა სტატიაშიბოკერია – როცა პრემიერი ასე საუბრობს პოლიტიკურ ოპონენტზე, ეს დემონსტრირებაა, რომ ეს ხელისუფლება საფრთხეა არა მხოლოდ სააკაშვილისთვის, არამედ ყველასთვის
შემდეგი სტატიამაჭარაშვილი – სააკაშვილის შიმშილობის მიზანი არის არჩევნების მეორე ტურამდე მხარდამჭერებში მოტივაციის აწევა