სამტრედიის მუნიციპალიტეტის სოფელ ბაშთან, მდინარე რიონმა კასრი გამორიყა, რომელშიც მამაკაცის გვამი აღმოჩნდა. არსებული ინფორმაციით, ცხედარი დამწვარი იყო. შემთხვევა რამდენიმე დღის წინ მოხდა.
ფაქტს შინაგან საქმეთა სამინისტროში ადასტურებენ. შსს-ს ცნობით, გამოძიება სსკ-ის 108-ე – განზრახ მკვლელობის მუხლით დაიწყო.
შსს-ში აცხადებენ, რომ დანიშნულია შესაბამისი ექსპერტიზები და აქტიური საგამოძიებო მოქმედებები მიმდინარეობს.
