რიმა ბერაძემ სამუშაო შეხვედრა გამართა

ქეთი ფერაძე
ავტ.: ქეთი ფერაძე ივლისი 6, 2020 19:01

რიმა ბერაძემ სამუშაო შეხვედრა გამართა

თბილისის საკრებულოს ჩუღურეთის რაიონის მაჟორიტარმა დეპუტატმა რიმა ბერაძემ, რაიონის გამგებელ ზურაბ ჩიკვილაძესთან და მერიის შესაბამისი სამსახურების წარმომადგენლებთან ერთად, სამუშაო შეხვედრა გამართა.
შეხვედრაზე, რომელსაც პაატა ისაკაძის #19-ში მდებარე ავარიულ შენობაში მცხოვრები ოჯახები ესწრებოდნენ, მათი ახალი საცხოვრებლით დაკმაყოფილების საკითხი განიხილეს. რიმა ბერაძის განცხადებით, აღნიშნულ მისამართზე, გაუსაძლის პირობებში 170 ოჯახი ცხოვრობს და უახლოეს პერიოდში მათთვის ახალი კორპუსი, კაპანაძის #4-ში აშენდება.
„პაატა ისაკაძის #19 მცხოვრები მოსახლეობის საცხოვრებლით დაკმაყოფილება ჩვენთვის პრიორიტეტული საკითხია, რადგან 170-მდე ოჯახი მძიმე პირობებში ცხოვრობს. სამხარაულის ბიუროს მიერ არის დადგენილი, რომ შენობა საცხოვრებლად გამოუსადეგარია. დღეს ჩვენ განაშენიანების რეგულირების გეგმის დეტალები შევათანხმეთ. უახლოეს პერიოდში კიდევ ერთი შეხვედრა შედგება, ამის შემდეგ ინვესტორის მოსაძიებლად ტენდერი გამოცხადდება და გამარჯვებული კომპანია აღნიშნული პროექტის განხორციელებას დაიწყებს“- განაცხადა რიმა ბერაძემ.

ქეთი ფერაძე
ავტ.: ქეთი ფერაძე ივლისი 6, 2020 19:01

Google სტატისტიკა


4,431
ვიზიტორი
დღეში
Powered By Google Analytics