რიგის მერმა, ნილ უშაკოვმა ლატვიაში სამოქალაქო თავისუფლებასა და ქვეყანაში დაწყებულ “რეალურ რეპრესიებზე” ილაპარაკა – ამის შესახებ მან დღეს ბრიუსელში ევროპარლამენტის პრეზიდენტთან, მარტინ შულცთან შეხვედრამდე “ფეისბუქის” საკუთარ გვერდზე დაწერა.
“ჩვენი ქვეყნის ორი მოქალაქე რეპრესირებულია – დენის ბარტეცკი და მაქსიმ კოპტელოვი. კოპტელოვს – ლატვიის რუსეთთან მიერთების სახუმარო დეკლარაციის გამო 6 თვით თავისუფლების აღკვეთა მიუსაჯეს, ბარტეცკის კი მსგავსივე დეკლარაციისთვის, სადაც საუბარი იყო ლატვიის აშშ-სთან მიერთებაზე, კოპტელოვის ბედი ელოდება” – დაწერა უშაკოვმა.