15 აგვისტოს რიაზანის რეგიონში, „ელასტიკის“ ქარხანაში მომხდარი აფეთქების შედეგად დაღუპულთა რიცხვი 11 ადამიანამდე გაიზარდა, იტყობინება რეგიონული სამუშაო ჯგუფი. ნანგრევების გატანისა და სამძებრო-სამაშველო სამუშაოები გრძელდება. გამოცხადებულია საგანგებო მდგომარეობა და ინციდენტის ადგილზე შესვლა აკრძალულია.
„გასულ საღამოს და ღამით საგანგებო სიტუაციების სამინისტრომ და რუსეთის ეროვნულმა გვარდიამ ნანგრევების ქვეშ სამი ადამიანი გამოიყვანეს. დაღუპულთა რიცხვი 11-მდე გაიზარდა. სამედიცინო დახმარება გაეწია 130 დაშავებულს, რომელთაგან 29 ჰოსპიტალიზებულია: 13 პაციენტი რიაზანის საავადმყოფოებში იმყოფება, 16 კი მოსკოვის ფედერალურ სამედიცინო ცენტრებშია გადაყვანილი“, – ნათქვამია სამუშაო ჯგუფის განცხადებაში.
















