„ეხო მოსკვის“ ჟურნალისტ ტატიანა ფელგენგაუერზე თავდამსხმელი საქართველოში დაბადებული ისრაელის მოქალაქე აღმოჩნდა, – ამის შესახებ „რია ნოვოსტის“ სამართალდამცავ ორგანოებში საკუთარმა წყარომ განუცხადა.
„თავდამსხმელი საქართველოშია დაბადებული, მაგრამ ისრაელში ცხოვრობს“, – განუცხადა წყარომ სააგენტოს და დასძინა, რომ მამაკაცს ისრაელის მოქალაქეობა აქვს.
რუსეთის შსს-ს მთავარი სამმართველოს პრესსამსახურის ხელმძღვანელმა იური ტიტოვმა განაცხადა, რომ თავდამსხმელს თან არანაირი საბუთები არ ჰქონდა.
„ჩვენ თავდამსხმელის მოქალაქეობის შესახებ ინფორმაციას გადავამოწმებთ. საბუთები მას არ აქვს, მის სახელსა და გვარს ახლა ვაზუსტებთ“, – განაცხადა ტიტოვმა.
რუსული რადიო „ეხო მოსკვის“ ოფისში დანით შეიარაღებული მამაკაცი შეიჭრა და წამყვანი ტატიანა ფელგენგაუერი დაჭრა. ”რია ნოვოსტის“ ინფორმაციით, თავდასხმის მიზეზი პირადი კონფლიქტი გახდა.