“სამწუხაროა, რომ მსჯელობა გადაიქცა ფართო კრიტიკად საქართველოს მისამართით და თემა დიდწილად გასცდა მედიის თავისუფლებასაც და ჟურნალისტთა უსაფრთხოებასაც. ასევე სამწუხაროა, რომ რეზოლუციაში ძალიან ბევრი უზუსტობა აღმოჩნდა, რასაც ნამდვილად არ აქვს ადგილი საქართველოში და არ წარმოადგენს საქართველოსთვის გამოწვევას. თუმცა, ჩვენთვის საყურადღებოა ევროპარლამენტში მიმდინარე პროცესი და ეს ყველაფერი ხდება საქართველოსთვის ძალიან მნიშვნელოვან მომენტში.” – საქართველოს პარლამენტის ევროპასთან ინტეგრაციის კომიტეტის თავმჯდომარე, მაკა ბოჭორიშვილი, საქართველოში მედიის თავისუფლების დარღვევებზე ევროპარლამენტის რეზოლუციას ეხმიანება.
