სააგენტო reuters -ი რუსთავი 2-ის საქმეზე უზენაეს სასამართლოს დიდი პალატის მიერ მიღებულ გადაწყვეტილებას ეხმაურება – საქართველოს უზენაესმა სასამართლომ შეცვალა ქვეყნის ყველაზე დიდი დამოუკიდებელი ტელეკომპანიის, რუსთავი 2-ის მფლობელობა – ნათქვამია სააგენტოს სიუჟეტში.
საინფორმაციო სააგენტო ყურადღებას ამახვილებს იმ ფაქტზე, რომ გადაწყვეტილების გამოცხადების შემდეგ სასამართლოს შენობასთან შეკრებილმა ასობით მაყურებელმა, ოპოზიციონერმა პოლიტიკოსებმა და რუსთავი 2-ის მომხრეებმა, მხარდაჭერის გამოსახატად კომპანიის სტუდიაში გადაინაცვლეს. სიუჟეტის ავტორი ასევე იხსენებს, რომ ხელისუფლების წარმომადგენლები ტელეკომპანიას მიკერძოებულობაში ადანაშაულებენ, კრიტიკოსებს კი მიაჩნიათ, რომ ქიბარ ხალვაში გააჩუმებს მთავრობის მიმართ ერთადერთი ძლიერი კრიტიკული მედიის ხმას.