რესპუბლიკური პარტია ქართულ ოცნებასთან მომავალ პარლამენტში პარტნიორობას არ გამორიცხავს და აცხადებს, რომ მისთვის ნაციონალურ მოძრაობასთან თანამშრომლობაა წარმოუდგენელი.
ამის შესახებ დავით უსუფაშვილმა გადაცემა არჩევანში ისაუბრა და აღნიშნა, რომ მისთვის მნიშვნელოვანია არა კონკრეტული პირები, არამედ პარტიების პროგრამები და მათი ხედვები.
„ქართული ოცნება თუ შევიდა პარლამენტში და დააკლდა უმრავლესობის ხმები და ვსხედვართ რესპუბლიკელები და პატრიოტთა ალიანსი, ყველაფერს გავაკეთებ იმისთვის, რომ ხელისუფლებაში არ მოვიდეს პატრიოტთა ალიანსი. ნაციონალურ მოძრაობასთან, მიხეილ სააკაშვილის მიერ მართულ ძალასთან კი ძალიან გამიჭირდება თანამშრომლობა,“ – განაცხადა დავით უსუფაშვილმა.
