რესპუბლიკურ საავადმყოფოში კორონავირუსზე 17 პაციენტის ანალიზის პასუხს ელოდებიან

admin
ავტ.: admin აპრილი 22, 2020 13:59

რესპუბლიკურ საავადმყოფოში კორონავირუსზე 17 პაციენტის ანალიზის პასუხს ელოდებიან

რესპუბლიკური საავადმყოფოს გადაუდებელი მედიცინის დეპარტამენტის უფროსის, თეა თავართქილაძის განცხადებით, ამ დროისთვის კლინიკაში 62 პაციენტი მკურნალობს, საიდანაც 39 არის კორონავირუსით ინფიცირებული.

თეა თავართქილაძის ინფორმაციით, რესპუბლიკურ საავადმყოფოში დღეს 17 ტესტის პასუხს ელოდებიან.

„ამ ეტაპზე ახალი კოვიდდადებითი პაციენტი არ გვყავს. ჩვენს კლინიკაში არის 62 პაციენტი, 39 არის კორონავირუსით ინფიცირებული. ერთ-ერთი პაციენტი გადმოყვანილია კვლევაზე ინფექციური საავადმყოფოდან და მეორე დღეა ჩვენთან აგრძელებს მკურნალობას. მას ესაჭიროებოდა ერთ-ერთი ენდოსკოპური კვლევა, რომელიც ჩვენს კლინიკაში ჩაუტარდა. ყველას მდგომარეობა არის დამაკმაყოფილებელი, ყველა მათგანი არის სპონტანურ სუნთქვაზე. დღეს ველოდებით 17 ტესტის პასუხს“, – განაცხადა თეა თავართქილაძემ.

რესპუბლიკური საავადმყოფოს გადაუდებელი მედიცინის დეპარტამენტის უფროსის ინფორმაციით, სავარაუდოდ მიმდინარე კვირაში საავადმყოფოს გამოჯანმრთელებული პაციენტები ეყოლება.

„ამ ეტაპზე დგას საკითხი სამი პაციენტის რეტესტირების. სავარაუდოდ გვეყოლება პირველი გამოჯანმრთელებული პაციენტები ამ კვირაში“, – განაცხადა თეა თავართქილაძემ.

admin
ავტ.: admin აპრილი 22, 2020 13:59

Google სტატისტიკა


7,710
ვიზიტორი
დღეში
Powered By Google Analytics