რელიგიის საკითხთა სააგენტო მართლმადიდებელ ეკლესიას და მრევლს დღესასწაულს ულოცავს

საქართველოს სამოციქულო ავტოკეფალური მართლმადიდებელი ეკლესია დღეს ანდრია პირველწოდებულის ხსენების დღესა და საქართველოს ყოვლადწმინდა ღვთისმშობლის წილხვდომილობის დღესასწაულს აღნიშნავს.

რელიგიის საკითხთა სახელმწიფო სააგენტო ულოცავს საქართველოს სამოციქულო ავტოკეფალურ მართლმადიდებელ ეკლესიასა და მართლმადიდებელ მრევლს დღესასწაულს, მშვიდობასა და სიხარულს უსურვებს მათ.

„ანდრია პირველწოდებული საქართველოში განსაკუთრებული სიყვარულითა და პატივისცემით სარგებლობს, რადგან მოციქული ქართველებში ქრისტიანობის პირველი მქადაგებელი და გამავრცელებელია. წმინდა მოციქულს უფალმა იესო ქრისტემ პირველს მოუწოდა, ის პირველი დაემოწაფა ქრისტეს და ამიტომაც ეწოდა მას პირველწოდებული.

დღესვე, საქართველო ყოვლადწმინდა ღვთისმშობლის წილხვდომილობას დღესასწაულობს; როგორც საქართველოს პარლამენტის დადგენილებაშია აღნიშნული, 2 ათასი წლის მანძილზე ღვთისმშობლისადმი საქართველოს წილხვდომილობის რწმენამ დიდწილად განსაზღვრა ქვეყნის თვითმყოფადობა, კულტურა და ისტორია“, – ნათქვამია გავრცელებულ ინფორმაციაში.

წინა სტატიაშიფულბრაიტის სასტიპენდიო პროგრამაზე განაცხადების მიღება დაიწყო
შემდეგი სტატიაჯონსონი – უკრაინაში რუსეთის შეჭრის შემდეგ, პუტინთან ურთიერთობების ნორმალიზაცია შეუძლებელია