ღაზაში, ალ-შიფას საავადმყოფოს ქვეშ „ჰამასს“ საკონტროლო და სამეთაურო ცენტრი აქვს მოწყობილი, რაც სამოქალაქო ინფრასტრუქტურას „ლეგიტიმურ სამიზნედ“ აქცევს, – ამის შესახებ ისრაელის პრემიერ-მინისტრის მრჩეველმა, მარკ რეგევმა განაცხადა.
აღნიშნული განცხადება მარკ რეგევმა მას შემდეგ გააკეთა, რაც გავრცელდა ცნობა, რომ ისრაელმა ალ-შიფას საავადმყოფოსთან სასწრაფო დახმარების ავტოკოლონაზე იერიში მიიტანა.
აღსანიშნავია, რომ ისრაელი აქამდეც აცხადებდა, რომ „ჰამასი“ ღაზის მშვიდობიან მოსახლეობას ცოცხალ ფარად იყენებს და სამოქალაქო ინფრასტრუქტურის ქვეშ სამხედრო სისტემები აქვს მოწყობილი.
