რუსული ავიაკომპანია Red Wings-ი რუსეთსა და საქართველოს შორის საჰაერო მიმოსვლის მნიშვნელოვან გაფართოებას გეგმავს.
კომპანიამ რუსეთის საჰაერო ტრანსპორტის ფედერალურ სააგენტოს ნებართვის მისაღებად 23 ახალ მარშრუტზე მიმართა, საიდანაც 6 თბილისს, ხოლო 17 — ბათუმს უკავშირდება.
ცნობისთვის, Red Wings-ი საქართველოს მიმართულებით რეისებს რუსეთის 15 ქალაქიდან უკვე ახორციელებდა. რუსეთმა საქართველოსთან პირდაპირ ავიამიმოსვლაზე 2019 წელს დაწესებული ცალმხრივი აკრძალვა 2023 წლის მაისში გააუქმა, რის შემდეგაც ფრენები რამდენიმე რუსულმა და ქართულმა კომპანიამ აღადგინა.
