რატომ გეძახიან რუსეთუმეს? – ლელა ჯეჯელავა ნინო ნადირაძეს პასუხობს

ანალიტიკოსი ლელა ჯეჯელავა სოცქსელში ნინო ნადირაძეს მიმართავს.

“ქალბატონო ნინო, ნამდვილად არ მჩვევია უცხო ადამიანებისთვის პასუხის გაცემა, მაგრამ გუშინდელი ეთერის შემდეგ უბრალოდ საჭიროდ ჩავთვალე თქვენს მიერ კოლექტიურ ნაცად შერაცხულთაგან ერთ-ერთმა, პასუხი გაგცეთ. რაც მინდა, აუცილებლად იცოდეთ, მიუხედავად იმისა, რომ არასოდეს ვყოფილვარ ნაციონალური მოძრაობის ხელისუფლების ბენეფიციარი , ოდნავაც არ ვთაკილობ ამ იარლიყს. თუმცა, თქვენ არ მახსოხვხართ იმ ხელისუფლების აქტიურ მოწინააღმდეგეთა რიგებში, თუნდაც სნდრო გვირგვლიანთან დაკავშირებულ საპტროტესტო აქციებზე, ჩემდა სამწუხაროდ, მანიპულირების საგნად რომ გადააქცია ამ ხელისუფლებამ ეს ტრეაგედია. დამერწმუნეთ, რომ ყოფილიყავით, შეუმჩნეველი ვერ დარჩებოდით, თუნდაც თქვენი მომხიბვლელობის გამო.

როგორც მივხვდი, გუშინდელი ეთერიდან, ძალიან გაწუხებთ, რომ რესტორნებში ვეღარ სადილობთ სადილში ჩაფურთხების შიშით. ნამდვილად უსიამოვნო შეგრძნებაა და მესმის თქვენი დისკომფორტის, მაგრამ ეს არ მოხდებოდა, რომ თქვენს მიერ მხარდაჭერილი ხელისუფლების გაწვრთნილ სპეც რაზმელებს პირში არ ეფურთხებინათ ხელ-ბორკილ დადებული უკვე დაპატიმრებული ახალგაზრდა გოგო – ბიჭებისთვის. ქმედება, რომ უკუ ქმედებას იწვევს, ეს ნამდვილად იცით, ალბათ. შეიძლება ვცდები, მაგრამ არ მახსოვს, რომ ეს თქვენ ოდესმე გაგეპროტესტებინთ , ან იმ ტელევიზიას გაეშუქებინა, რომელზეც თქვენ საკუთარი მაგალითით არწმუნებთ მაყურებელს, რომ ცხოვრება მშვენიერია. ეგებ ესეც არის მიზეზი, რომ სუპით კმაყოფილი თქვენი მაყურებული დარწმუნებულია, რომ ამ ქვეყნად ნამდვილი სამოთხეა და მხოლოდ კოლექტიური ნაცები უშლიან ხელს სუპით ტკბობაში. გუშინ თქვენ აღელვებული კითხულობდით, რატომ ვარ მე რუსეთუმეო?! მე სრულიად დარწმუნებული ვარ, რომ თქვენს გემოვნებაში ნამდვილად არ ჯდება უსტილიმსკის და ნორილისკის დღევანდელი ყოფა, მაგრამ თქვენ იმ ხელისუფლებას უჭერთ მხარს, რომლის ბელადიც( ოფიციალურ თანამდებობას არ ფლობს) დასანქცირებულია რუსეთის ინტერესების სასარგებლოდ საქმიანობაში, ასევე მისი ყოფილი პროკურორი, რომელმაც სრულიად რუსეთის ინტერესების შესაბამისად დააკავა თქვენი ” მთავარი ” პაციენტი, რომელიც თქვენს სიმშვიდეს უქმნიდა დისკომფორტს და არა მორალურ პოზიციას, ვიდრე კვლავ ციხეში არ გადაიყვანეთ.

მე მჯერა, რომ თქვენ მოგწონთ ევროპული კეთილდღეობა, ევროპული კულტურა და სხვა სიკეთეები, თუ ეს თქვენი პრივილეგია იქნება და არა საყოველთაოდ ხელმისაწვდომი, თუ ამ სიკეთეების ფლობა უპირატესობას განგაცდევინებთ საშუალო სტატისტიკურ ქართველთან შედარებით , რომლისთვისაც ევროპასთან უვიზო მიმოსვლა გადარჩენაა (ლუკმა -პური და სამედიცინო სერვისები) და არა ფუფუნება. არ უნდა გეწყინოთ, თუ რუსეთუმეს დაგიძახებენ იმ ხელისუფლების მხარდამჭრს , რომლისთვისაც ჭორვილის მოდელი და პატარა სოფლის კონცეფციაა საქართველოს განვითარების ალგორითმია, იმ ხელისუფლების მხარდამჭერს, რომლის დროსაც საქართველოს აღარ ჰყავს მეგობრები, პარტნიორები და მოკავშირეები, რომელსაც აღარ აქვს უშიშროების საბჭო, რომელსაც ასეთ რთულ ვითარებაში რისკების შეფასება და პრევენცია უნდა ეკეთებინა, მაგრამ აღარ გვჭირდება, რადგან გაიდ ლაინებს რუსეთიდან ვიღებთ , რომელიც ბრიყვებისთვის ნეიტრალიტეტის იდეას პროპაგანდირებს, გეგონება 2021 წელს არ გვქონდა ნეიტრალიტეტი გამოცხადებული, რომლითაც ისარგებლა სწორედ რუსეთმა და მარტო დარჩენილების ანექსია უპრობლემოდ მოახერხა. ომი არ არის მხოლოდ სამხედრო ოპერაცია და ტანკები, ომია დემოგრაფიაც და საქართველო ცივი გენოციდის პირობებშია. რამდენი ომი უნდა გადაგვეხადა, რომ 13 წლის განმავლობაში 1მილიონ 40000 ადამიანით შემცირებულიყო საქართველოს მოსახლეობა. ეს ოფიციალური სტატისტიკაა და გადამოწმეთ, თქვენც ხომ იცით, რომ აქედან დიდი ნაწილი აღარ დაბრუნდება, რადგან უცხო ქვეყანაში თავის დამკვიდრება რთულია და ვინც ამას შეძლებს, ის უკან აღარ დაბრუნდება, ე ი, საქართველოსთვის დაკარგულია, ისიც ხომ დადასტურებულია, რომ სიკვდილსა და სიცოცხლეს შორის უარყოფითი სალდო პირველად თქვენს მიერ მხარდაჭერილი ხელისუფლების დროს გვაქვს. ომების შემდეგაც არ ხდება ამ მაჩვენელებლის ასეთი ცვლილება. ჰოდა, განა თქვენ არ გაქვთ მშვიდობა მთავარ არგუმენტად თქვენს მაყურებელთან და მხარდამჭერებთან, ერთხელ ციფრებით შეგიმოწმებიათ რა ღირს თქვენი სიმშვიდე და კომფორტი? ეგებ ეს გახლეჩილი ოჯახები, დაუტირებელი მშობლები, უდედებოდ გზას აცდენილი შვილები, სოფლად მაჩვების თავშესაფრად გადაქცეული გამოკეტილი, დარდით ჩამოღვენთილი სახლებია, ეგებ ეს ქოლ ცენტრებში , ერთადერთ საშოვარში, შეყრილი გზაგამრუდებული ახალგაზრდებია, რომელთა ” მომავალს” თქვენი მხარდაჭერილი ხელისუფლების უსაფრთხოების უფროსი “იცავდა,” ეგებ, ეს ის ქართუველი ჯარისკაცები არიან, რომელსაც ისე წამლავს თურმე თქვენი ხელისუფლება, რომ საკვებს ექსპერტიც ვერ ეკარება, ჰო , მარტო დარჩენილმა, უახლესი შეიარაღების გარეშე, პრაქტიკულად შიშველი ხელებით უნდა დაიცვან თქვენი კოფორტი, ეს ვითარება არ შედის ქვეყნის ეროვნულ ინტერესებში, ეს არ შედის საქართველოს მეგობრების ინტერესებში, მაგრამ სრულად შეესაბამება საქართველოს საუკუნოვანი მტრის ინტერესებს, მეტს არ გავაგრძელებ, შეიძლება ესეც არ წაიკითხოთ, მაგრამ მგონი პასუხი კითხვაზე- რატომ გეძახიან რუსეთუმეს, გაცემულია”,_ წერს ლელა ჯეჯელავა.