ჟურნალისტ კახაბერ ადამიას მიერ გამოქვეყნებულმა ,,ფეისბუქ–პოსტმა,, შეიძლება ითქვას რომ სოციალური ქსელი ერთ დღეში დაიპყრო…
22 სექტემბერს ღამე, ,,თაიმერის,, ჟურნალისტმა კახაბერ ადამიამ, სამეგრელოში და სხვა რეგიონებში გავრცელებულ მავნე მწერთან – აზიურ ფაროსანასთან დაკავშირებით ,,ფეისბუქის,, საკუთარ გვერდზე ვიდეო და რამდენიმე ფოტო ატვირთა – საკუთარი კომენტარით, რომელიც ,,ფეისბუქის,, ქართველ მომხმარებლებს შორის იმდენად პოპულარული გახდა, რომ ერთ დღეში (24 საათში) ეს პოსტი ასეულობით ადამიანმა მოიწონა, 440-მდე მომხმარებელმა გააზიარა, ხოლო 13 წამიანი ვიდეო კადრები, რომელიც ამ პოსტს თან ახლდა, სოციალური ქსელის ქართველი მომხმარებელთა შორის რეკორდულმა რაოდენობამ – 55 ათასზე მეტმა ადამიანმა ნახა.
– ,,თაიმერმა,, გადაწყვიტა თავად პოსტის ავტორისთვის ეკითხა, თუ რამ გამოიწვია მისი პოსტის მსგავსი პოპულარობა სოციალურ ქსელში…
– ,,მე ვფიქროდ და დარწმუნებულიც ვარ, რომ ამ პოსტის და ვიდეოს პოპულარობა განაპირობა იმ ფაქტორმა, რომ პრობლემა, რომლის შესახებაც თითქმის ყველას სმენია, მოსახლეობის ფართო მასებისათვის ჯერ კიდევ უცნობ თემად რჩება. ჯერ კიდევ ბევრმა არ იცის რა მასშტაბის პრობლემატურ საკითხთან გვაქვს საქმე და კატასტროფულ ეკონომიკურ ზიანთან ერთად რამდენად დიდ დისკომფორტს უქმნის ასობით ათას ადამიანს ეს მწერი.
მოგეხსენებათ, რომ საქართველოში პირველი გამაფრთხილებელი სტატია ამ მავნე მწერის მომრავლებასთან დაკავშირებით, 2016 წელს მე გამოვაქვეყნე ,,თაიმერში,, … იმ პერიოდიდან მოყოლებული ,,თაიმერში,, ათეულობით სტატია გვაქვს მიძღვნილი ამ თემისთვის, მიუხედავად ამისა, როგორც ჩანს ჩვენს მიერ მიწოდებული ვერბალური ინფორმაცია საკმარისი არ აღმოჩნდა მოსახლეობის სრული ინფორმირებისთვის… რაც შეეხება, ტელევიზიებს, რომლებმაც პრობლემის ვერბალურთან ერთად ვიზუალური ასახვაც უნდა მოახდინონ, ვერ ამოჩნდნენ მოწოდების სიმაღლეზე. პროსახელისუფლო ტელევიზიები, როგორც წესი ამ პრობლემის ,,გალაითებაზე,, ანუ რბილად წარმოჩენაზე მუშაობენ, რათა წინასაარჩევნოდ ხელისუფლება სერიოზულ პრობლემებს აარიდონ… ხოლო ოპოზიციურ ტელევიზიებს, ამ თემის დეტალური აღწერისა და მთელი სიმწვავით წარმოჩენისთვის, ჩემი აზრით – კომპეტენცია არ ეყოთ. ეს თემა, ტელევიზიების მიერ სწორად წარმოჩენილი და ამოწურული რომ ყოფილიყო, ჩემს 13 წამიან ვიდეოს, ერთ დღეში 55 ათასი ადამიანი არ დააცხრებოდა,, აცხადებს კახაბერ ადამია.
…..
კახაბერ ადამიას ,,ფეისბუქ–პოსტი,,
ალფრედ ჰიჩკოკის საშინელებათა ფილმებში არ ხდება ის, რაც სამეგრელოში ხდება… ისინი ყველგან არიან… სახლში, საწოლში, კარადებში, ტანსაცმელში, საკვებში… საზიზღრად ყარან და მოსვენებას არ გვაძლევენ… გაანადგურეს ყველაფერი, თუ კი რამე ხილი და ბოსნეული იყო… გაანადგურეს სიმინდი და თხილი.
ხელისუფლება კი კვლავ პიარ სვლებს აკეთებს, თითქოს ებრძვის ამ საშინელებას. სანამ ,,ოცნება,, მართავს საქართველოს, ამ პრობლემას არ ეშველება… ეს პრობლემა დააქცევს საქართველოს ეკონომიკას და გაღატაკებულ მოსახლეობას სისხლისმღვრელ კონფლიქტამდე მიიყვანს.
ვიდეო:
[fbvideo link=”https://www.facebook.com/kakhaber.adamia/videos/857972937696228/” width=”500″ height=”400″ onlyvideo=”1″]