ეუთო-ს საპარლამენტო ასამბლეის პრეზიდენტის, პია კაუმას დაგეგმილი ვიზიტი საქართველოში მხოლოდ ბიძინა ივანიშვილისთვისაა სასარგებლო, მის მიერ შექმნილი სახელმწიფოს მიტაცების სქემის აღიარებისთვის, – ამის შესახებ ევროპარლამენტარი რასა იუკნევიჩიენე სოციალურ ქსელ X-ზე წერს.
„ოფიციალურ ვიზიტებს შეიძლება ჰქონდეს აზრი მხოლოდ იმ შემთხვევაში, თუ ისინი მიზნად ისახავს შუამავლობას ახალი არჩევნების ჩატარებაში“, – წერს რასა იუკნევიჩიენე.
ცნობისთვის, ევროპარლამენტარმა რიჰარდ კოლსმა სოციალურ ქსელში დაწერა, რომ ეუთო-ს საპარლამენტო ასამბლეის პრეზიდენტი 8-10 იანვარს საქართველოში დელეგაციის ვიზიტს გეგმავს. მისი თქმით, „ეს კატასტროფული და ცუდ დროს შერჩეული ნაბიჯია“.
