რაქვიაშვილი – არ მჯერა, რომ „ქართული ოცნების“ ინტერესში შედის, სააკაშვილს ციხეში რაღაც დაემართოს

მიხეილ სააკაშვილის ჯანმრთელობის მდგომარეობა რამდენად კრიტიკულ ზღვარზეა, არ ვიცით. სხვადასხვა ინფორმაციას სხვადასხვა წყაროდან ვისმენთ, გააჩნია, ადამიანი რომელ პოლიტიკურ ბანაკს მიეკუთვნება და სხვადასხვა წყაროს უჯერებს უფრო მეტად, – ამის შესახებ „გირჩის“ წევრმა, სანდრო რაქვიაშვილმა განაცხადა.

„არ ვარ დარწმუნებული, რომ კონკრეტული წყარო ზუსტია და მიხეილ სააკაშვილს არაფერი ემუქრება, ან პირიქით, კრიტიკულ სიტუაციაშია. მგონი, არც ერთი არის სიმართლე. იდეაში, სააკაშვილის ჯანმრთელობის მდგომარეობა თუ კრიტიკულია, მაშინ სადმე, საზღვარგარეთ გაუშვან და ეს პრობლემა დავასრულოთ. არ მჯერა, რომ „ქართული ოცნების“ ინტერესში შედის, სააკაშვილს ციხეში რაღაც დაემართოს. თუ იმას დავუშვებთ, რომ მისი მდგომარეობა კრიტიკული არაა, მაშინ „ქართული ოცნების“ პოზიცია გასაგები ხდება, რატომ უნდა შეუქმნას სპეციფიკური პირობები, განსაკუთრებით მეორე ტურის წინ. ეს „ქართული ოცნების“ ამომრჩეველმა შეიძლება სისუსტედ აღიქვას. თუ მისი მდგომარეობა კრიტიკულია, მჯერა, რომ ციხესთან არსებული საავადმყოფო მომსახურებისთვის იდეალური არ არის. ინფორმაციის სანდო წყარო არ მაქვს, არ მჯერა, რომ „ქართულ ოცნებას“ უნდა, სააკაშვილი ციხეში მოკვდეს. უამრავი მაგალითია, როცა ადამიანები ხანგრძლივი დროის განმავლობაში შიმშილობდნენ. მართლა მაინტერესებს, საქმე რაშია, მაგრამ სამწუხაროდ, მედიაში ისეთი პოლარიზაციაა, გააჩნია, რომელ არხს ჩართავ – ერთ არხზე ლამის მოკვდა სააკაშვილი და მეორე არხზე საერთოდ არაფერი ხდება, არ ვიცი, რა გავარკვიო და ვის ვენდო“, – განაცხადა რაქვიაშვილმა.

წინა სტატიაშიკობახიძე – „ნაციონალურმა მოძრაობამ“ არჩევნების მეორე ტურისთვის ხულიგნების მთელი კოჰორტა შემოგვთავაზა
შემდეგი სტატიაკობახიძე – არის საკვების მიღების პრეცედენტი, კლოუნადის დადგმის საშუალება არავის არ უნდა მივცეთ….