ირანთან ომის დაწყებიდან ახლო აღმოსავლეთში განხორციელებული დარტყმების შედეგად დაღუპულთა რაოდენობის შესახებ CNN ამ დროისთვის არსებულ ინფორმაციას ავრცელებს.
წითელი ნახევარმთვარის საზოგადოების მონაცემებით, აშშ-ისრაელის ერთობლივი დარტყმების დაწყებიდან ირანში სულ მცირე 555 ადამიანი დაიღუპა. ირანის სახელმწიფო მედიის ცნობით, გოგოების დაწყებით სკოლაში განხორციელებული დარტყმის შედეგად სულ მცირე 165 ადამიანი დაიღუპა. ჩინეთის საგარეო საქმეთა სამინისტროს ცნობით, ირანში ასევე დაიღუპა ჩინეთის მოქალაქე.
ისრაელში ირანის წინააღმდეგ სამხედრო ოპერაციების დაწყების შემდეგ სულ მცირე 10 ადამიანი დაიღუპა და 200-ზე მეტი დაშავდა. ცხრა დაღუპული ბეით შემეშის ქალაქიდან იყო, სადაც რაკეტა თავშესაფარს მოხვდა.
ლიბანის ჯანდაცვის სამინისტროს ცნობით, სამხრეთ ლიბანსა და ბეირუთზე ისრაელის საჰაერო დარტყმების შედეგად სულ მცირე 31 ადამიანი დაიღუპა.
_ ერაყის სახალხო მობილიზაციის ძალების, ირანის მიერ მხარდაჭერილი პარამილიტარული დაჯგუფების, ოთხი წევრი დაიღუპა აშშ-ისრაელის დარტყმის შედეგად, რომლის სამიზნეც მათი ერთ-ერთი შტაბ-ბინა იყო, _ განაცხადა დაჯგუფების მედია დირექტორატმა დღეს Telegram-ზე გამოქვეყნებულ პოსტში.
არაბთა გაერთიანებული საამიროები ირანის საპასუხო დარტყმების შედეგად არაბთა გაერთიანებული საამიროების სამი ადამიანი დაიღუპა.
აშშ-ის ცენტრალური სარდლობის ცნობით, ქუვეითში სამი ამერიკელი სამხედრო მოსამსახურე დაიღუპა.
ბაჰრეინის სახელმწიფო მედიის ცნობით, ერთი ადამიანი დაიღუპა მას შემდეგ, რაც რაკეტის ნამსხვრევებiი მოხვდა „უცხო გემს“ ბაჰრეინის სალმანის ინდუსტრიულ ქალაქში.
