საქართველოში კორონავირუსით ინფიცირების 723 დადასტურებული შემთხვევიდან 19 წლამდე ასაკის ინფიცირებულთა რაოდენობა 104-ია.
დაავადებათა კონტროლის ეროვნული ცენტრის ხელმძღვანელის ამირან გამყრელიძის თქმით, 19 წლამდე ასაკის 104 ინფიცირებულიდან 72 ბავშვია:
„723 გაანალიზებული შემთხვევიდან 19 წლამდე ასაკის 104 მოქალაქე იყო ინფიცირებული. მათგან 72 ბავშვია – 0-დან 14 წლამდე, რაც ინფიცირების დადასტურებული შემთხვევების 10%-ს შეადგენს, ხოლო 15-დან 19 წლამდე – 32 პაციენტი გვყავდა, რაც ინფიცირებულთა 4.4%-ია“, – აცხადებს ამირან გამყრელიძე.