რაღაც ნაწილს ალბათ შეეშინდა მიხეილ სააკაშვილის ჩამოსვლის

თაიმერი timer.ge
ავტ.: თაიმერი timer.ge ნოემბერი 15, 2016 23:12

რაღაც ნაწილს ალბათ შეეშინდა მიხეილ სააკაშვილის ჩამოსვლის

საქართველოს მესამე პრეზიდენტი მიხეილ სააკაშვილი ამომრჩევლებთან დაკავშრებით განცხადებას აკეთებს. არჩევნების თემატიკით სააკაშვილს პოლონეთის მაგალითი მოჰყავს და აცხადებს, რომ მთავარი საკითხი არის ის, „ვართ თუ არა მზად, ვებრძოლოტ ივანიშვილს“. ამის შესახებ განცხადება სააკაშვილმა „არჩევანის“ ეთერში გააკეთა:
„რაღაც ნაწილს ალბათ შეეშინდა მიხეილ სააკაშვილის ჩამოსვლის, მაგრამ უნდა იმუშაო შენს ამომრჩევლებზე, ამისთვის სჭიროა მუდმივი ბრძოლა, მადლობას თქმა უნდა. რას ქვია ესენი მაინც მოგვცემდნენ ხმას, ვინ გითხრათ? და თითქოს ამიტომ არ იყო მათი კონსოლიდაცია. არავინ არ იძლევა ასე ხმას, ეს არის ანი და ბანი პოლიტიკური პროცესის. ეს ხალხი არ არის არავის საკუთრება, არც ნაციონალური მოძრაობის და არც მითუმეტეს ამ ვიწრო ჯგუფის და ერთი ორი ახირებული ადამიანის. ყველა ქვეყანაში ყველა მუშოაბს თავის ამომრჩეველზე. მეორე ეს არის არცოდნა მსოფლიო კონტექსტის. ასეთი კამათი იყო კაჩინსკის პარტიაშიც. იყო ერთი ჯგუფი მოსვეტო ელემენტების, რომლებმაც გამოაცხადეს, რომ კაჩინსკების დრო წავიდა. ესენი მოძველდნენ, ხალხს ეშინია შურისძიების, კაჩინსკის ვარშავა არ უჭერს მხარს, ამიტომ უნდა გავწიოთ კაჩინსკები და ჩვენ უნდა ვიყოთ პარტია. პარტიის შიგნით ვერ შეთანხმდნენ და პარტიიდან გამოყარეს. ჩატარდა არჩევნები შარშან და კაჩინსკიმ აიღო აბსოლუტური უმრავლესობა მთელ პოლონეთში და მათ შორის ვარშავა, და იმ პარტიამ, რომელიც გამოეყო აიღო 1%-ზე ნაკლები. ეს არ არის წინა საუკუნის მაგალითი, ეს არის იგივე რიტორიკა და შიშები. ამიტომ თვალები გავახილოთ. შეუძლებელია რომ არ ახსოვდეთ კაჩინსკის ეს უახლესი მაგალითი.

მე არ ვაპირებ უახლოეს პერიოდში აქტიურად გადაწყვეტილებების მიღებას პარტიის შიგნით, მაგრამ ყველას მინდა ვუთხრა, რომ მგონია, რომ ახლა ჩვენი აქტივისტების ფართო ჯგუფი ბევრად ამაყობს იმითაც მივაღწიეთ, ვიდრე ეს თვითგამოცხადებული ჯგუფი. იყო შეცდომები, მაგრამ უამრავი ცრუ ამბები, რომელსაც ჩემზე ჰყვებოდნენ. ჩვენ გადავწყვიტეთ ამაზე არაფერი გვეთქვა, გვეუხერხულებოდა წინა წარმატებებზე საუბარი, მაგრამ 2016-ში უკეთესად იყო საქართველო თუ 2012-ში? ამაზე ყველამ იცის რომ პასუხი არის არა. მმართველი გუნდი ლანძღავდა ოპოზიციას და ოპოზიცია საუბრობდა 45 ათას სამუშაო ადგილზე იმის მაგივრად რომ გეთქვა როგორ გაიბანძეს ყველაფერი.

თემა არის ის, ვართ თუ არა მზად ვებრძოლოთ ივანიშვილს. გეუბნებიან რომ ხარ მეცოცხე და ამას დედის რძესავით ირგებ იმის მაგივრად რომ უპასუხო. და გიჭირავთ პოზა, რომ ამას არ შევიმჩნევ“, – აღნიშნა სააკაშვილმა.

https://youtu.be/AVqQKDvtjV8

თაიმერი timer.ge
ავტ.: თაიმერი timer.ge ნოემბერი 15, 2016 23:12

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,150
ვიზიტორი
დღეში
Powered By Google Analytics