პოლონეთის საგარეო საქმეთა მინისტრის, რადოსლავ სიკორსკის განცხადებით, უკრაინაში მიმდინარე ომში ძალთა ბალანსი შეიცვალა და რუსეთმა წინსვლის ინიციატივა დაკარგა. მინისტრმა ფრონტზე არსებული ვითარება რამდენიმე მიმართულებით შეაფასა.
„შავ ზღვაში უდავოდ უკრაინამ გაიმარჯვა. რუსეთს უკრაინის საჰაერო სივრცეში უპირატესობა ნამდვილად არ აქვს. მას შეუძლია რაკეტებისა და დრონების გაშვება, მაგრამ არ შეუძლია უკრაინის თავზე თავისუფლად ფრენა. სახმელეთო ბრძოლა ჩიხში შევიდა, უკრაინამ კი, როგორც ჩანს, დონბასიდან ყირიმამდე სტრატეგიულ ავტომაგისტრალზე კონტროლი დაამყარა”,_ თქვა მან.
