რაც კადრებიდან ჩანს მძიმე შთაბეჭდილებას ტოვებს, არ შეიძლება სახელმწიფო ცინიკურად ექცეოდეს ადამიანებს – ნანა გეგეჭკორი სააკაშვილზე

აშშ-ში მოღვაწე ქართველი ექიმი ნანა გეგეჭკორი ექსპრეზიდენტ მიხეილ სააკაშვილის ჯანმრთელობის მდგომარეობის შესახებ წერს და ამბობს, რომ „პრეზიდენტის სასამართლოს კადრებიდან ექიმის თვალისთვის შესამჩნევია, რომ სააკაშვილს ნამდვილად აქვს ჯანმრთელობის პრობლემები“.
გეგეჭკორის თქმით, მას ხელი არ მიუწვდება სააკაშვილის ჯანმრთელობის მდგომარეობის ზუსტ მონაცემებზე, მაგრამ კადრებიდან რაც ჩანს მძიმე შთაბეჭდილებას ტოვებს.

„ყოფილი პრეზიდენტის სასამართლოს კადრებიდან ექიმის თვალისთვის შესამჩნევია, რომ მას ნამდვილად აქვს ჯანმრთელობის პრობლემა. ხელი არ მიმიწვდება მისი ჯანმრთელობის მდგომარეობის ზუსტ მონაცემებზე, მაგრამ კადრებიდან რაც ჩანს მძიმე შთაბეჭდილებას ტოვებს.

არ შეიძლება სახელმწიფო ასე ცინიკურად ექცეოდეს ადამიანებს. არა აქვს მნიშვნელობა ეს ადამიანი პრეზიდენტია, მემანქანე, დამნაშავე თუ წმინდანი.

ნორმალური სახელმწიფოს ვალდებულებაა დაიცვას მოქალაქე, მიუხედავად მისი პოლიტიკურ-რელიგიურ-სოციალურ-ღირებულებით-ეთნიკური თუ კიდევ სხვა უამრავი ტიპის კუთვნილებისა. თქვენ, ვინც გადასახადებით უზრუნველყოფთ ამის ჩამდენ ჩინოვნიკების გასამრჯელოს, თქვენდაუნებურად ხდებით პროცესის თანამონაწილე.

ზოგადად ყველაფერი რასაც სახელმწიფოს სახელით მთავრობა სჩადის, არის ყველა იმ ადამიანის პასუხისმგებლობა ვინც მას ირჩევს, ინახავს და მმართველობას უხანგძლივებს. იგივე ეხება უკრაინასთან მიმართებით ჩვენი ქვეყნის ორაზროვან დამოკიდებულებას.

როცა შეიძლება სახელმწიფო ასე მოექცეს ადამიანს, ვისაც უწყვეტ რეჟიმში აკვირდება საერთაშორისო ინსტიტუტები, წარმოიდგინეთ, როგორ დაგჩაგრავენ მათ ვისაც არავინ გიპატრონებთ გისოსებს მიღმა რომ აღმოჩნდეთ.
თქვენი კეთილდღეობისთვისაა აუცილებელი, რომ ადამიანის ჯანმრთობის უფლების მიმართ ასეთი ცინიკური დამოკიდებულება არ დაუშვათ.

P.S. ვიცი რომ უამრავი სხვა პატიმარია მიუხედავი და სწორედ ამიტომ ვწუხვარ ყოფილ პრეზიდენტზე, ამ შემთხვევაში როგორც უსამართლობის კრებით სახეზე. არც იმ 9 წლის შეხსენებაა საჭირო. წარსულში ჩადენილი ვერანაირი დანაშაული ვერ გაამართლებს მიმდინარე ან სამომავლოდ დაგეგმილ დანაშაულს“, – წერს გეგეჭკორი სოციალურ ქსელში.

წინა სტატიაშისაქართველოს თავდაცვის სამინისტრომ ჯეიმს აპატურაის უმასპინძლა
შემდეგი სტატიაიზიუმის რაიონში მტრის შეტევა წარუმატებელია – არესტოვიჩი