“რაც არ უნდა დაგვარბიონ და წყალი გვასხან, პირიქით, უარესი მოუვათ”

region
ავტ.: region ნოემბერი 8, 2020 23:43

“რაც არ უნდა დაგვარბიონ და წყალი გვასხან, პირიქით, უარესი მოუვათ”

ერთიანი ნაციონალური მოძრაობის წევრის ხატია დეკანოიძის განცხადებით, სპეციალური დანიშნულების რაზმმა მომიტინგეების წინააღმდეგ ძალა ყოველგვარი გაფრთხილების გარეშე გამოიყენა და ეს ყოველგვარ სამართლებრივ ჩარჩოს სცდება.

“ჩვენ, კოლონის ნაწილი სანამ მოვიდოდით მარშით, სულ რამოდენიმე ადამიანი იდგა და ამ ადამიანების წინააღმდეგ ყოველგვარი გაფრთხილების გარეშე გამოიყენეს წყლის ჭავლი პანდემიის პირობებში, რაც ყოველგვარ სამართლებრივ ჩარჩოს სცდება. ეს არის კრიმინალური ხელისუფლება და ქალბატონი ჟვანია არის კრიმინალი, სისხლის სამართლის დამნაშავე ისევე, როგორც ყველა ადამიანი ვინც იყენებს ახლა ძალას ადამიანების წინააღმდეგ”, – განაცხადა დეკანოიძემ.

მისივე თქმით, ხელისუფლების მხრიდან ძალის გამოყენების მიუხედავად, საპროტესტო ტალღა არ შეწყდება და ოპოზიცია იქამდე გააგრძელებს ბრძოლას, სანამ მათი მოთხოვნები არ შესრულდება.

“ჩვენ არ დავთმობთ, საქართველოს მოქალაქეებს სჭირდებათ თავისუფალი არჩევნები და ეს არჩევნები უნდა ჩატარდეს ამ ადმინისტრაციის გარეშე. რაც არ უნდა დაგვარბიონ, გვასხან წყალი, პირიქით, უარესი მოუვათ. მივმართავ ყველა პოლიციელს, ნუ წახვალთ ხალხის წინააღმდეგ, ეს არის ძალიან ცუდი საქციელი. ბიძინა ივანიშვილს არ უნდა გადაეფაროთ ადამიანს, რომელიც საკუთარი მოსახლეობის წინააღმდეგ მიდის”, – განაცხადა ხატია დეკანოიძემ.

region
ავტ.: region ნოემბერი 8, 2020 23:43