დოკუმენტის თანახმად, კომპანიას მართვის უფლებით გადაეცემა ბუნების ძეგლის ტერიტორიაზე არსებულ საწყლოსნო მონაკვეთზე ტურისტული მომსახურების უფლება და მასთან დაკავშირებული ქონება: ნავმისადგომი პირსი, ტურისტების მოსაცდელი შენობა და ნავების შესანახი ანგარი.
განკარგულების მიხედვით, შპს „ოფუცხოი“ ვალდებულია, ყოველწლიურად გადაიხადოს ტურისტული მომსახურების მართვის უფლებით გადაცემასთან დაკავშირებული ქონების 1.5%, რაც შეადგენს 2 775 ლარს.
ამას გარდა, დადგენილების ძველი რედაქციის მიხედვით, დაცული ტერიტორიების სააგენტოსთან დადებული ხელშეკრულებით, აღნიშნული უფლებისთვის შპს „ოფუცხოი” უკვე იხდის წლიური ბრუნვის 30%-ს.
დოკუმენტში ასეევ ვკითხულობთ, რომ კომპანიამ 2028 წლის 1-ელ ივლისამდე უნდა განახორციელოს არანაკლებ 100 000 ლარის ინვესტიცია და ამის ფარგლებში, შეიძინოს დამატებითი ინვენტარი. კერძოდ: 30 ცალი ნავი; 2 ცალი სამაშველო ნავი ან კაიაკი; 180 ცალი ნიჩბები; 30 ცალი ნიჩაბი გიდისთვის; 50 ცალი საბავშვო სამაშველო ჟილეტი; 250 ცალი სამაშველო ჟილეტი უფროსებისთვის.
ცნობისთვის, სამეწარმეო რეესტრის მომაცემებით, შპს „ოფუცხოი“ რეესტრში 2016 წელსაა რეგისტრირებული. კომპანიის დირექტორი სერგო უჩავაა.
