ისტორიკოსი ბექა კობახიძე კოპენჰაგენის უნივერსიტეტში გატარებულ დღეებს იხსენებს, როდესაც მან დანიელ სტუდენტებს საქართველოს 19-20 საუკუნეების ისტორიაზე ლექცია წაუკითხა. როგორც ისტორიკოსი ამბობს, დანიური საზოგადოების ერთ-ერთი მთავარი თვისება ახალი ცოდნის მიღების საოცარი წყურვილია.
„მეთქი კოპენჰაგენში ვინ ჯანდაბას დააინტერესებს საქართველოს ისტორია, ვინ მოვა… დიდ აუდიტორიაში ტევა არ იყო, ხალხი ფეხზე იდგა და, ზოგი ლეპტოპში და ზოგი ბლოკნოტში, იწერდნენ. ლექციის მერე არ გამომიშვეს, კაი ნახევარი საათი დერეფანში დამაყენეს და კითხვებს მისვამდნენ. მე იმას არ ვამბობ, რომ რამე არაჩვეულებრივი ვილაპარაკე. მათთან ახალი ცოდნა შევიდა და ამ ცოდნის მიღების შანსს “დახარბდნენ”“, — იხსენებს ბექა კობახიძე.
