ქვემო ქართლის საპატრულო პოლიციის მთავარი სამმართველოს უფროსად დავით ჟოჟუაშვილი დაინიშნა

region
: region თებერვალი 8, 2019 15:41

ქვემო ქართლის საპატრულო პოლიციის მთავარი სამმართველოს უფროსად დავით ჟოჟუაშვილი დაინიშნა

ქვემო ქართლის საპატრულო პოლიციის მთავარი სამმართველოს უფროსად დავით ჟოჟუაშვილი დაინიშნა. მანამდე ჟოჟუაშვილი აჭარის სამმართველოს უფროსის მოადგილის პოსტს იკავებდა.

ქვემო ქართლის საპატრულო პოლიციის ვებგვერდზე გამოქვეყნებული ინფორმაციით, 1980 წელს დაბადებულ დავით ჟოჟუაშვილს უმაღლესი განათლება საქართველოს ივანე ჯავახიშვილის სახელობის თბილისის სახელმწიფო უნივერსიტეტში აქვს მიღებული, სამართალმცოდნეობის სპეციალობით.

„2010 წელს შინაგან საქმეთა სამინისტროს აკადემიაში გავლილი აქვს დეტექტივის თანაშემწის გამომძიებლის სპეცმომზადების კურსები;

2010 წელს უნგრეთში, სამართალდამცველთა საერთაშორისო აკადემიაში გაიარა სამართალდამცავი ორგანოების გადამზადების კურსები;

2005 წელს დავით ჟოჟუაშვილმა შინაგან საქმეთა სამინისტროში საქმიანობა პატრულ-ინსპექტორის პოზიციიდან დაიწყო;

2005-2006 წლებში იყო ქ.თბილისის შს მთავარი სამმართველოს დიდუბე-ჩუღურეთის სამმართველოს სისხლის სამართლის სამძებრო განყოფილების ავტოტრანსპორტის გატაცების წინააღმდეგ ბრძოლის ქვეგანყოფილების გამომძიებელი;

2006 წელს საქმიანობა განაგრძო შიდა ქართლის სამხარეო შს მთავარი სამმართველოს გორის სამმართველოს პირველი განყოფილების უფროსის მოადგილედ;

2006-2007 წლებში მუშაობდა საპატრულო პოლიციის დეპარტამენტის ქალაქ თბილისის მთავარი სამმართველოს პირველი სახაზო – საპატრულო სამმართველოს პატრულ-ინსპექტორად;

2009 წელს დაინიშნა ქალაქ თბილისის მთავარი სამმართველოს ძველი თბილისის სამმართველოს პოლიციის მე-3 განყოფილების დეტექტივის თანაშემწე-გამომძიებლად;

2011 წელს საქმიანობა გააგრძელა ფინანსური აქტივების მართვის სააგენტოში, იურისტის პოზიციაზე;

2013-2014 წლებში მუშაობდა სასჯელაღსრულების დეპარტამენტში, მონიტორინგის სამმართველოს უფროს ინსპექტორად;

2014-2017 წლებში ეკავა სს „საქართველოს ბანკის“ იურიდიული დეპარტამენტის იურისტის პოზიცია;

2018 წელს დაინიშნა საპატრულო პოლიციის დეპარტამენტის აჭარის მთავარი სამმართველოს საორგანიზაციო სამმართველოს უფროსად“, – აღნიშნულია ქვემო ქართლის საპატრულო პოლიციის ინფორმაციაში.

ქვემო ქართლის საპატრულო პოლიციის მთავარი სამმართველოს უფროსის თანამდებობას მანამდე კახა ბუხრაძე იკავებდა, რომელიც თბილისის საპატრულო პოლიციის მთავარი სამმართველოს ახალ უფროსად დაინიშნა.

region
: region თებერვალი 8, 2019 15:41

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,722
ვიზიტორი
დღეში
Powered By Google Analytics