“ქვეყნის დემოკრატიული განვითარებისთვის აუცილებელია, არჩევნები ჩავატაროთ მშვიდ გარემოში”

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე სოფელ კორცხელში მომხდარ ინციდენტს სამწუხაროს უწოდებს.

როგორც დავით ბაქრაძემ ჟურნალისტებს განუცხადა, მსგავსი ინციდენტები აუცილებლად იქნება აღმოფხვრილი.

“ეს ძალიან სამწუხარო და აღმაშფოთებელი ინციდენტი, რა თქმა უნდა ხელისშემშლელი ფაქტორია ქვეყნის დემოკრატიული განვითარების გზაზე, რასაც ჩვენ არავითარ შემთხვევაში არ დავუშვებთ. მსგავსი ინციდენტები იქნება აღმოფხვრილი, მსგავს საკითხში დამნაშავე პირები აუცილებლად იქნებიან დასჯილი. ეს ჩვენი ღირსების საკითხია, რომ ჩავატაროთ თავისუფალი, სამართლიანი არჩევნები. ჩვენთვის ეს არის შესაძლებლობა, რომ ძალიან დიდი, საგრძნობი ნაბიჯი გადავდგათ ევროპულ გზაზე. ქვეყნის დემოკრატიული განვითარებისთვის აუცილებელია რომ, არჩევნები ჩავატაროთ მშვიდ, თავისუფალ, სამართლიან გარემოში”, – განაცხადა დავით ბაქრაძემ.

banner
წინა სტატიაშითინა ხიდაშელი: ყველამ უნდა იცოდეს, რომ საქართველოს ქაოსისკენ წაყვანა არავის ეპატიება
შემდეგი სტატიადავით ბაქრაძე: სასჯელის გამკაცრებაზე საუბარი არის თავის მართლების მცდელობა