ქვეყანაში სასუნთქი აპარატების დეფიციტი არ აღინიშნება

თაიმერი timer.ge
ავტ.: თაიმერი timer.ge სექტემბერი 16, 2020 18:34

ქვეყანაში სასუნთქი აპარატების დეფიციტი არ აღინიშნება

ქვეყანაში სასუნთქი აპარატების დეფიციტი არ აღინიშნება, – ამის შესახებ ჯანდაცვის მინისტრმა, ეკატერინე ტიკარაძემ ჟურნალისტებს განუცხადა.

მინისტრის თქმით, ამ დროისთვის, ქვეყანაში კორონავირუსით ინფიცირებული პაციენტების ის რაოდენობა არ არის, რომ სასუნთქ აპარატებთან დაკავშირებით პრობლემა შეიქმნას.

„სასუნთქი აპარატების დეფიციტი ქვეყანაში არ აღინიშნება, ეს არ აღინიშნებოდა არც დაავადების გავრცელების დასაწყისში. მიუხედავად ამისა, საერთაშორისო სტანდარტების შესაბამისად დამატებით უახლესი და თანამედროვე აპარატურა შევიძინეთ, რომელიც განთავსებულია ბათუმის რესპუბლიკურ საავადმყოფოში, ასევე თბილისისა და სხვა ქალაქების საავადმყოფოებში. აუცილებელია აღვნიშნოთ, რომ ის სიმპტომატიკა, რითაც დღესდღეობით პაციენტები განთავსებულნი არიან კლინიკებში, მსუბუქია და ჩვენ არ გვყავს ამ დროისათვის პაციენტების ის რაოდენობა, რომ გარკვეული კრიზისული ზღვარი იყოს სასუნთქ აპარატებთან მიმართებაში“, – განაცხადა ტიკარაძემ.

თაიმერი timer.ge
ავტ.: თაიმერი timer.ge სექტემბერი 16, 2020 18:34