ქუვეითის სამოქალაქო ავიაციის სამსახურმა განაცხადა, რომ ქუვეითის საერთაშორისო აეროპორტზე დრონებით თავდასხმა განხორციელდა. მათი თქმით, აეროპორტში სარადარო სისტემამ „მნიშვნელოვანი“ დაზიანება მიიღო.
ამასთან, ქუვეითის თავდაცვის სამინისტროს ინფორმაციით, ბოლო 24 საათის განმავლობაში, დრონებითა და რაკეტებით განხორციელებული თავდასხმის შედეგად, ქუვეითის ორი პორტი – მუბარაქ ელ ქაბირი და შუვაიხი დაზიანდა.
თავდაცვის უწყების ცნობით, ბოლო 24 საათის განმავლობაში ქუვეითზე ოთხი ბალისტიკური რაკეტით, ერთი ფრთოსანი რაკეტითა და შვიდი დრონით განხორციელებულ თავდასხმა ქუვეითის ძალებმა მოიგერიეს. მათივე ცნობით, მსხვერპლის შესახებ ინფორმაცია არ გავრცელებულა.
