ქუთაისში, სავარაუდოდ, ნიკეას ქუჩაზე მიუსაფარი ძაღლები მოწამლეს. ამის შესახებ ინფორმაციას “ინფო იმერეთი” ავრცელებს.
როგორც “ინფო იმერეთს” ადგილობრივებმა განუცხადეს, სხვადასხვა ადგილზე მკვდარი ძაღლები დაინახეს.
ადგილზე ექსპერტ-კრიმინალისტები იმყოფებოდნენ, მათ ცხოველების ლეში ექსპერტიზაზე წაიღეს და დამატებითი დეტალები სავარაუდოდ, ამის შემდეგ გახდება ცნობილი.
შსს-ში აცხადებენ, რომ მომხდარზე გამოძიება 259-ე მუხლით დაიწყო, რაც ცხოველის მიმართ სასტიკ მოპყრობა გულისხმობს.
