ქუთაისში, ჭავჭავაძის ქუჩაზე მდებარე სავაჭრო ცენტრი 10 000 ლარით დააჯარიმეს.
როგორც სავაჭრო ცენტრში აცხადებენ, შრომის ინსპექციამ მაღაზია „გრანდმოლს“ შენობის შესასვლელებში თერმოსკრინინგის დეტექტორები მოსთხოვა, რაც მათი თქმით, 2 000 ლარი ღირს.
„გრანდმოლის“ ადმინისტრაციის თქმით, მომხმარებლებს სიცხეს უზომავენ, თუმცა ძვირადღირებული დეტექტორების შეძენის საშუალება არ აქვთ.
სავაჭრო ცენტრის ადმინისტრაცია ჯარიმის გადახდას არ აპირებს, ცენტრის თანამშრომლები კი საპროტესტო აქციებით იმუქრებიან.
