ქუთაისში 15:00 საათის მონაცემებით, საპრეზიდენტო არჩევნების მეორე ტურში 53 977 ამომრჩეველმა მიიღო მონაწილეობა, რაც აღნიშნულ ოლქში რეგისტრირებულ ამომრჩეველთა საერთო რაოდენობის 34,54 პროცენტია. ამის შესახებ ქუთაისის 59-ე საოლქო საარჩევნო კომისიის თავმჯდომარემ, ავთანდილ ოსეფაიშვილმა განაცხადა.
მისი თქმით, აქტივობის აღნიშნული მაჩვენებელი, პირველი ტურის ანალოგიური საათის მონაცემებს, 10 ათასით აჭარბებს.
რაც შეეხება საჩივრებს, 59-ე ოლქში, არასამთავრობო ორგანიზაციებისა და დამკვირვებლების მიერ, 11 საჩივარია დაწერილი. საოლქო კომისიის ინფორმაციით, ყველა მათგანი პროცედურულ საკითხებს ეხება.
