ქუთაისში, ტაბიძის ქუჩის #2-ში სახლის აივანი ნაწილობრივ ჩამოინგრა. შემთხვევას მსხვერპლი არ მოჰყოლია.
შენობის მიმდებრე ტერიტორიაზე დასუფთავების სამსახურის თანამშრომლებმა გამვლელთა უსაფრთხოების უზრუნველსაყოფად დროებითი მესერი შემოავლეს.
ადგილობრივების განცხადებით, შენობა ავარიულია და ადგილობრივ ხელისუფლებას შენობის რეაბილიტაციას სთხოვენ. ორსართულიანი სახლი წინა საუკუნეშია აგებული. მეორე სართული საცხოვრებლად უვარგისია. პირველ სართულზე კი მხოლოდ 2 მაღაზია ფუნქციონირებს.