ქუთაისში მომხდარ შემთხვევას პროკურატურა თვითმკვლელობის მცდელობის მუხლით იძიებს

news
ავტ.: news ოქტომბერი 7, 2016 13:07

ქუთაისში მომხდარ შემთხვევას პროკურატურა თვითმკვლელობის მცდელობის მუხლით იძიებს

ქუთაისში წუხელ მომხდარ შემთხვევას დასავლეთ საქართველოს საოლქო პროკურატურა თვითმკვლელობის მცდელობის მუხლით იძიებს.

როგორც მთავარი პოკურატურის პრესსამსახურში განმარტავენ, გუშინ საღამოს თავში მიღებული ცეცხლსასროლი დაზიანებით საავადმყოფოში მოათავსეს ერთი პირი. დაწყებულ გამოძიებას საფუძვლად დაედო შეტყობინება უბედური შემთხვევის შესახებ, რომ ადგილი ჰქონდა თვითმკვლელობის მცდელობას. საბედნიეროდ დაჭრილი ქალბატონი ექიმების ჩარევის შედეგად გადარჩა და მისი მდგომარეობა სტაბილურია. საქმეზე გამოძიება მიმდინარეობს სსკ-ს 115-ე მუხლით.

ამასთან, პროკურატურის ცნობით, ვინაიდან გასროლა განხორციელდა პოლიციელის იარაღიდან, საქმე გამოსაძიებლად გადაეცა დასავლეთ საქართველოს საოლქო პროკურატურას.

“უახლოეს მომავალში დაზარალებულის მონაწილეობით ჩატარდება ყველა გადაუდებელი და საჭირო საგამოძიებო მოქმედება. რის შესახებაც დამატებით ეცნობება საზოგადოებას”,- აცხადებენ მთავარ პოკურატურაში.

news
ავტ.: news ოქტომბერი 7, 2016 13:07

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,027
ვიზიტორი
დღეში
Powered By Google Analytics