ქუთაისში პარლამენტის მიმდებარე ტერიტორიაზე მარჯვენასაჭიანი ავტომობილების მძღოლებმა საპროტესტო აქცია გამართეს. მძღოლები ავტომობილებზე აქციზის გადასახადის ზრდასა და საწვავის ფასების მატებას აპროტესტებენ.
,,ვაპროტესტებთ ავტომობილებზე აქციზის გადასახადის ზრდას. ეს ყველაფერი საბოლოდ საწვავზე ფასების მატებასა და შესაბამისად მთლიანად ქვეყანაში ყველა პროდუქტის ღირებულების ფასების გაზრდას გამოიწვევს. თუ ხელისუფლება დროულად არ მოვა გონს, აუცილებლად გავმართავთ ფართომასშტაბიან აქციებს და გავაგრძელებთ მანამდე, სანამ შედეგს არ მივაღწევთ“,-აცხადებენ აქციის მონაწილეები.
აქციის მონაწილეთა განცხადებით, იმ შემთხვევაში კი თუ ხელისუფლება გადაწყვეტილებას არ შეცვლის, მძღოლები მასობრივი და მრავალრიცხოვანი საპროტესტო აქციებით იმუქრებიან.
