ქუთაისში, აკაკი წერეთლის სახელმწიფო უნივერსიტეტის სტუდენტები გაფიცვას უერთდებიან

ქუთაისში, აკაკი წერეთლის სახელმწიფო უნივერსიტეტის სტუდენტები გაფიცვას უერთდებიან და აცხადებენ, რომ ქვეყანაში მიმდინარე მოვლენებიდან გამომდინარე, აღარ აპირებენ შევიდნენ ლექციებზე.

“პირველ რიგში ვიტყვი, არა რუსულ კანონს, დადგა დრო და ჟამი გაიგოს ხალხმა რა აზრზე არიან წერეთლის უნივერსიტეტის სტუდენტები, დაწყებული პირველი კურსიდან დამთავრებული იმდენ კურსამდე რომელზეც არიან ისინი. პროტესტი გაგრძელდება იქამდე, სანამ უკან არ გაიწვევენ რუსულ კანონს და იმედი გვაქვს, ძალიან მალე მოხდება ეს ყველაფერი. ჩვენ არ გვეზარება აქ დგომა, არც დავიღლებით, არც წვიმა შეგვაშინებს, არც ქარი, არც თოვლი, თქვენთვის აჯობებს მალე გაიწვიოთ კანონი”, – ამბობს აქციის მონაწილე სტუდენტი.

გარდა ამისა, გაიფიცნენ ქუთაისის საერთაშორისო უნივერსიტეტის სტუდენტები. ამ უნივერსიტეტის მშენებლობის დასაფინანსებლად ბიძინა ივანიშვილმა და მისმა ფონდმა “ქართუმ” მილიარდი ევროს ინვესტიცია განახორციელეს.

banner
წინა სტატიაშიხალხს ღამე გაათენებინეს და თვითონ შენობაში შესულებმა დაიძინეს – მდინარაძე საპარლამენტო ოპოზიციაზე
შემდეგი სტატიაპრეზიდენტის ვეტო თუ იქნება ფორმალური, აცდენილი პრინციპს, რა პრინციპსაც ეფუძნება გამჭვირვალობის კანონპროექტი, ის იქნება დაძლეული – ოხანაშვილი