ქუთაისში, კლინიკა “უნიქალ მედიში” პაციენტი გარდაიცვალა. 18 წლის ნათია შეყილაძე კლინიკაში სამი დღის წინ, კომატოზურ მდგომარეობაში შეიყვანეს, მკურნალობის შემდეგ პაციენტის მდგომარეობა გაუმჯობესდა, თუმცა დღეს კვლავ დამძიმდა, რასაც 18 წლის ახალგაზრდის გარდაცვალება მოჰყვა. გარდაცვლილი 18 წლის ნათია შეყილაძის ოჯახის წევრები გამოძიებას ითხოვენ.
პაციენტის ახლობლები ახალგაზრდა გოგონას გარდაცვალებაშ ექიმებს ადანაშაულებენ.
კლინიკა “იუნიქალ მედის” დირექტორის განცხადებით კი ექიმებს მკურნალობისას შეცდომები არ დაუშვიათ და პაციენტი აპარატიდან გუშინ დილით, მდგომარეობის გაუმჯობესების შემდეგ, გამორთეს. თუმცა, რა გახდა სიკვდილის მიზეზი, მისთვის უცნობია. სამედიცინო პერსონალი ექსპერტიზის დასკვნას ელოდება.
