ქუთაისს სამი დღით გაზმომარაგება შეუწყდება

ქუთაისს 29 თებერვალიდან 2 მარტის ჩათვლით გაზმომარაგება შეუწყდება. ამის შესახებ “თაიმერს” კომპანია “სოკარ ჯორჯია გაზიდან” აცნობეს.
მათივე განმარტებით, აბონენტებისთვის გაზმომარაგების შეწყვეტის მიზეზი, გაზსადენზე მიმდინარე სარემონტო-საექსპლუატაციო სამუშაოებია.

“მიმდინარე წლის 29 თებერვალს, 10:00 საათიდან ქალაქ ქუთაისის რამდენიმე ქუჩის მცხოვრებლებს გაზმომარაგება შეუწყდებათ. კერძოდ, ბროსეს, ვარლამიშვილის, მალხაზ დვალიშვილის, ნიუპორტის, იერუსალიმის, გაპონოვის, აზერბაიჯანის, მიზანდარის, 26 მაისის, არაგვისპირელის, განათლების, გოგებაშვილის, ყიფიანის, ვასაძის, ზარდალიშვილის, თავდადებულის, ბათუმის, ბურჯანაძის, ახვლედიანის, თბილისის, კოსტავას, თომაშვილის, ლესია უკრაინკას, მკურნალის, ნაზარიშვილის, ტყიბულის, ოსტროვსკის, რიონჰესის, ტიციან ტაბიძის, სოლომონ პირველის ქუჩებს თავისი შესახვევებითა და ჩიხებით; გელათის ქუჩას, დასაწყისიდან NN : 99-მდე, გელათის I, II შესახვევს, IV ჩიხს; ლერმონტოვის კენტ ნომრებს NN : I—VII; ფალიაშვილის ქუჩის კენტ ნომრებს NN : 31,33,35,37; ფალიაშვილის III, V შესახვევებს; წმინდა ნინოს ქუჩის N6; კლდიაშვილის ქუჩას, დასაწყისიდან N100-მდე; კლდიაშვილის I,II,IV,VI,VIII შესახვევებს, I, II ჩიხს; დავით აღმაშენებლის მოედნის N1; თამარ მეფის კენტ ნომრებს, დასაწყისიდან N55-მდე; თამარ მეფის I ჩიხს”, – აცხადებენ კომპანიაში.

“სოკარ ჯორჯია გაზის” ინფორმაციით, აბონენტებს ბუნებრივი გაზის მიწოდება 2 მარტს, 18:00 საათიდან, სამუშაოების დასრულებისთანავე, ეტაპობრივად აღუდგებათ.

“კომპანია “სოკარ ჯორჯია გაზი” ბოდიშს გიხდით დისკომფორტისთვის და აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.

დამატებითი ინფორმაციისთვის დარეკეთ “სოკარ ჯორჯია გაზის” ცხელ ხაზზე: 16 114 ან ეწვიეთ ვებ-პორტალს www.mygas.ge”, – ნათქვამია კომპანიის განცხადებაში.

banner
წინა სტატიაშიათენის ცენტრში ორმა მიგრანტმა თავის ჩამოხრჩობა სცადა
შემდეგი სტატიაგაფიცული მაღაროელებისა და “საქნახშირი ჯი-აი-ჯი ჯგუფის” ხელმძღვანელების შეხვედრა უშედეგოდ დასრულდა