ქუთაისის შემოვლითი-სამტრედიის გზის 4-ზოლიან მაგისტრალად მოდერნიზების სამუშაოები აქტიურ ფაზაშია

თაიმერი timer.ge
ავტ.: თაიმერი timer.ge ოქტომბერი 10, 2019 11:01

ქუთაისის შემოვლითი-სამტრედიის გზის 4-ზოლიან მაგისტრალად მოდერნიზების სამუშაოები აქტიურ ფაზაშია

ქუთაისის შემოვლითი-სამტრედიის გზის 4-ზოლიან მაგისტრალად მოდერნიზების სამუშაოები აქტიურ ფაზაშია. ამ ეტაპზე, ასფალტ-ბეტონის საფარის დაგებისა და ხელოვნური ნაგებობების მოწყობის სამუშაოები მიმდინარეობს.

ახალი 2 ზოლის აშენებით ქუთაისის შემოვლითი-სამტრედიის გზაზე მოძრაობა ორივე მიმართულებით ცალმხრივი გახდება. პროექტი ჩქაროსნული გზის სტანდარტის დაცვით აშენდება და მნიშვნელოვნად გააუმჯობესებს საგზაო უსაფრთხოებას.

ჩქაროსნული ავტომაგისტრალის სხვა მონაკვეთების მშენებლობისგან განსხვავებით, აღნიშნული მონაკვეთის მშენებლობა სრულად სახელმწიფო ბიუჯეტიდან დაფინანსდება. პროექტის ჯამური ღირებულება 200,26 მილიონი ლარია.

ქუთაისი-სამტრედიის 41.3 კმ-იანი გზა დაყოფილია 4 ლოტად. 3 ლოტს, ქართული კომპანია “ბლექ სი გრუპი“ აშენებს, ერთს კი აზერბაიჯანული კომპანია „აკორდი“. აღსანიშნავია, რომ ქართული კომპანია ჩქაროსნული გზის მშენებლობას დამოუკიდებლად და არა ქვეკონტრაქტორის სახით პირველად ახორციელებს.

ქუთაისის შემოვლითი-სამტრედიის მონაკვეთზე, ახალი 2 ზოლის მშენებლობა 2020 წლის ბოლოს დასრულდება, რაც მნიშვნელოვნად დაეხმარება, მოძრაობის საერთაშორისო სტანდარტით უზრუნველყოფას, მათ შორის დატვირთულ ტურისტულ სეზონზე.

თაიმერი timer.ge
ავტ.: თაიმერი timer.ge ოქტომბერი 10, 2019 11:01

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


25,581
ვიზიტორი
დღეში
Powered By Google Analytics