ქურდული “ობშიაკის” მითვისება – დავით მუმლაძის ლიკვიდაციის სავარაუდო მოტივი გაარკვია

region
ავტ.: region ოქტომბერი 7, 2019 16:32

ქურდული “ობშიაკის” მითვისება – დავით მუმლაძის ლიკვიდაციის სავარაუდო მოტივი გაარკვია

35 წლის დავით მუმლაძის საქმეზე, რომლის ცხედარი რუსთავში მტკვარმა გამორიყა, 5 პირია დაკავებული, რომელთა შორის 2 მოქმედი და 1 ყოფილი პოლიციელია. განზრახ მკვლელობას 37 წლის მამაკაცს ედავებიან, რომელმაც, სავარაუდოდ, მუმლაძეს ცივი იარაღით მრავლობითი დაზიანება მიაყენა და კვალის დამალვის მიზნით, გარდაცვლილის ცხედარი მდინარეში გადააგდო. დაკავებულია გარდაცვლილის მეგობარი გიორგი გეთაშვილიც, რომელიც 2 დღის განმავლობაში მოწმის სტატუსით იკითხებოდა, საბოლოოდ კი ცრუ ჩვენების მიცემისთვის დააკავეს.

დავით მუმლაძის ლიკვიდაცია ესპანეთში დაიგეგმა. როგორც ცნობილი გახდა დაკავებული პოლიციელები ზაფხულში ესპანეთში იმყოფებოდნენ, სადაც კრიმინალურ ავტორიტეტებს შეხვდნენ და დავით მუმლაძის ლიკვიდაციის დაკვეთა მიიღეს. წყარო მომხდარის სავარაუდო მოტივს ასახელებს – ეს “ქურდული ობშიაკია”, რომელიც დავით მუმლაძემ მიითვისა. ასევე, გავრცელებული ინფორმაციით,მუმლაძე მისი შესაძლო ლიკვიდაციის შესახებ ინფორმირებული იყო და იარაღით დადიოდა.

პოლიციელებმა საქმეში 12 000 ლარი აიღეს.

გარდაცვლილის მეგობრის, გიორგი გეთაშვილის ადვოკატი ალექსანდრე კობაიძე აცხადებს, რომ მისი დაცვის ქვეშ მყოფი დაკავებულ პოლიციელებს ინფორმაციას ვერ მიაწვდიდა, იმიტომ, რომ ისინი ერთმანეთს არ იცნობდნენ.

“დაახლოებით 27 საათი თურმე მოხალისე ყოფილა და პოლიციის შენობაში გაუთენებია ისე, რომ თავისი ნება სურვილით, რაც აბსურდია და არ შეესაბამება რეალობას. ჩვენზე მოხდა ფსიქოლოგიური ზეწოლა და ამის საფუძველზე მიიღეს ინფორმაცია, რომ თითქოს ჩვენ პოლიციელებს გადავეცით გარდაცვლილი, ეს ინფორმაცია მიიღეს მოტყუებით და ა.შ და ა.შ ეს იდეაშივე არ არის მყარი და ჯანსაღი ინფორმაცია და ფიზიკურად წარმოუდგენელია, რომ ეს ინფორმაცია ჩვენ მიგვეწოდებინა, იმიტომ, რომ ამ პოლიციელებს არ ვიცნობთ,”- განაცხადა ალექსანდრე კობაიძემ.

გიორგი გეთიაშვილის მამა ჯონი ოქრუაშვილი დარწმუნებულია, რომ ამ საქმეში მისი შვილი გამოიყენეს და უდანაშაულოა.

“ჩაწყობილია კარტი, გამოიყენეს ეს უდანაშაულო ბავშვი.ძალიან ალალია, სიდებილეშია გადასული სიალალე, და გამოიყენეს. კრიმინალი იყო ეს თუ ფორმიანი, ჩემი შვილი გამოიყენეს და ვადასტურებ, რომ არის უდანაშაულო. თუ დანაშაული მიუძღვის, რა თქმა უნდა, ციხეში. გარდაცვლილი და ჩემი შვილი მეგობრები იყვნენ, ვიცი და ვადასტურებ და იმაში ვარ დარწმუნებული, რომ ჩემი შვილი იმას არ მოკლავდა, ეს იყო ზეწოლა,”- განაცხადა ჯონი ოქრუაშვილომა.

შეგახსენებთ, რომ დავით მუმლაძის ცხედარი მტკვარმა 5 ოქტომბერს, რუსთავში გამორიყა. ოჯახი მას ოთხი დღის განმავლობაში ეძებდა.

region
ავტ.: region ოქტომბერი 7, 2019 16:32

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,248
ვიზიტორი
დღეში
Powered By Google Analytics