ანტიკორუფციული სამსახურის თანამშრომლებმა ქრთამის აღების ბრალდებით, ქედის მერიის თანამშრომელი დააკავეს. ინფორმაციას დაკავებულის ადვოკატი ზაზა პაპიძე ავრცელებს.
ავოკატი ამბობს, რომ ტარიელ თურმანიძე ბათუმში, საკუთარი ავტომობილით გადაადგილების დროს აიყვანეს.
მისივე თქმით, ჯერ საქმის მასალებს არ იცნობს. თუმცა, ზაზა პაპიძის განცხადებით, საუბარია, სავარაუდოდ, 1000 ლარზე.
ზაზა პაპიძის ინფორმაციით, ბრალდებული თბილისში გადაჰყავთ და სასამართლო პროცესიც თბილისში გაიმართება.