საქართველოს მესამე პრეზიდენტის, მიხეილ სააკაშვილის გუშინდელ ინტერვიუს ლადო სადღობელაშვილი სოციალურ ქსელში გამოეხმაურა:
„მძულს და მეზიზღება სააკაშვილი, თუმცა ვაღიარებ, რომ ასეთი დონის პოლიტიკოსი დღეს საქართველოში არ არის! როგორც პოლიტიკოსთან, მის ფრჩხილთანაც გაუჭირდება ბევრს მისვლა! პოლიტიკოსია და არა ბანკირი, ბიზნესმენი, “დელეცი” და ა.შ. პროფესია – პოლიტიკოსი! მსოფლიო დონის და არა თბილისის რომელიმე ქუჩის!“
ამ სტატუსის შემდეგ, როგორც ირკვევა, სადღობელაშვილს „ოცნების“ მომხრეების რისხვა დაატყდა.
„ქოცები დამესიენ“ – დაწერა სადღობელაშილმა რამდენიმე წუთის წინ.
„სააკაშვილზე რა პონტში თქვი, მაგარი პოლიტიკოსიაო! – აბა, თუ არა მიშა, რომელია პოლიტიკოსი? კობახიძე, ზარდიაშვილი თუ მდინარაძე! ეს უკანასკნელები არიან მმართველი პარტიის სახეები! შეიძლება, ვცემ პატივს, შეიძლება, არა, მაგრამ პოლიტიკოსი არ არის არცერთი! – სულ რომ მარტო დარჩეს სააკაშვილი, ეულად, პარტიის გარეშე, მაინც ფიგურააა! მერე რა, რომ ბოროტი?! სტალინიც და ჰიტლერიც ბოროტები იყვნენ, მაგრამ ისტორიას დარჩნენ,“ – წერს „ფეისბუქში“ სადღობელაშვილი.