ქობულეთში ურთიერთშელაპარაკების ნიადაგზე ახალგაზრდა კაცი მოკლეს. შემთხვევა დილით მოხდა.
გარდაცვლილს ჭრილობა ცივი იარაღით ჰქონდა მიყენებული.
როგორც “თაიმერს” შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, დანაშაულის სავარაუდო ჩამდენი პირი იდენტიფიცირებულია.
მათივე ცნობით, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.