ქობულეთში, რუსთაველის 32-ში მდებარე მუსლიმთა პანსიონს ცეცხლი გაუჩნდა. არსებული ინფორმაციით ხანძარი სასადილოს სხვენში გაჩნდა.
შემთხვევის დროს სასადილოში პანსიონის 13 აღსაზრდელი იმყოფებოდა. შემთხვევის შედეგად არავინ დაშავებულა. მაშველებმა აღსაზრდელების ევაკუაცია დროულად მოახდინეს.
ამ დროისთვის ხანძარი ლოკალიზებულია. შემთხვევის შედეგად სახურავის ნაწილი და სათავსოში არსებული ნივთები დაიწვა.
