ქობულეთის მუნიციპალიტეტში შემოწმებული 1600 პირიდან მხოლოდ 13-ის მდგომარეობა აღმოჩნდა საყურადღებო

თაიმერი timer.ge
ავტ.: თაიმერი timer.ge აპრილი 12, 2020 21:15

ქობულეთის მუნიციპალიტეტში შემოწმებული 1600 პირიდან მხოლოდ 13-ის მდგომარეობა აღმოჩნდა საყურადღებო

ქობულეთის მუნიციპალიტეტის ოთხ სოფელში, სადაც დღეს გამკაცრებული საკარანტინო რეჟიმი დაწესდა, 1600-ზე მეტ ადამიანს ჩაუტარდა თერმოსკრინინგი და გამოკითხვა. აჭარის ჯანდაცვის მინისტრის, ზაალ მიქელაძის განცხადებით, საყურადღებო მათგან მხოლოდ 13-ის მდგომარეობა აღმოჩნდა.

„13 მოქალაქეს, გამოკითხვის შედეგად, ბოლო ორი კვირის განმავლობაში ჰქონდა გარკვეული ჩივილები, რომლებიც ჰგავს ვირუსისთვის დამახასიათებელ სიმპტომებს, თუმცა დღეს ისინი თავს კარგად გრძნობენ. ამის მიუხედავად, მათზე დაწესდა სამედიცინო კონტროლი“, – განაცხადა ზაალ მიქელაძემ.

მინისტრის განცხადებით, ამ დროისთვის ქობულეთის კლასტერთან დაკავშირებით უკვე მოძიებულია 305 კონტაქტი, რომელთა ნაწილი გამოკვლეულია, გამოიკვლევენ დარჩენილ ნაწილსაც.

თაიმერი timer.ge
ავტ.: თაიმერი timer.ge აპრილი 12, 2020 21:15