ქეთევან ციხელაშვილი გიუნტერ ბეხლერს შეხვდა

news
ავტ.: news ოქტომბერი 25, 2016 19:21

ქეთევან ციხელაშვილი გიუნტერ ბეხლერს შეხვდა

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ეუთოს მხრიდან ჟენევის საერთაშორისო დისკუსიების თანათავმჯდომარეს გიუნტერ ბეხლერს შეხვდა.

ქეთევან ციხელაშვილმა და გიუნტერ ბეხლერმა ჟენევის საერთაშორისო დისკუსიების მიმდინარეობა, ასევე ინციდენტების პრევენციისა და მათზე რეაგირების მექანიზმის მუშაობა განიხილეს. ხაზი გაესვა ჟენევის დისკუსიებში ეუთოს ჩართულობის მნიშვნელობას. მხარეებმა იმედი გამოთქვეს, რომ ინციდენტების პრევენციის და მათზე რეაგირების მექანიზმის ფარგლებში 26 ოქტომბრისთვის სოფელ ერგნეთში დაგეგმილი შეხვედრა იქნება არაპოლიტიზირებული და გამოსავლებზე ორიენტირებული.

სახელმწიფო მინისტრმა და ჟენევის დისკუსიების თანათავმჯდომარემ განიხილეს ოკუპირებულ ტერიტორიებზე ადამიანის უფლებების დარღვევის, ასევე, გამყოფ ხაზებზე მოქალაქეების უკანონო დაკავების საკითხები. აღინიშნა, რომ მოქალაქეების თავისუფალ გადაადგილებას ხელოვნური ბარიერები არ უნდა აფერხებდეს. საუბარი შეეხო საქართველოს მოქალაქის – გიორგი გიუნაშვილის საკითხს, რომელიც ცხინვალის დე ფაქტო ხელისუფლებამ მიმდინარე წლის ივლისში დააკავა და ამ დრომდე ცხინვალის იზოლატორში რჩება.

მხარეებმა, ასევე, განიხილეს უგზო-უკვლოდ დაკარგული პირების თემა.

news
ავტ.: news ოქტომბერი 25, 2016 19:21

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,315
ვიზიტორი
დღეში
Powered By Google Analytics