ქართველი ფეხბურთელების დაკავება ანტალიაში – ფეხბურთის ფედერაცია საგანგებო განცხადებას ავრცელებს

თაიმერი timer.ge
ავტ.: თაიმერი timer.ge თებერვალი 22, 2019 11:44

ქართველი ფეხბურთელების დაკავება ანტალიაში – ფეხბურთის ფედერაცია საგანგებო განცხადებას ავრცელებს

თურქული მედიის ცნობით, ხუთმა ქართველმა ფეხბურთელმა ანტალიის ერთ-ერთ სავაჭრო ცენტრში იქურდა. არსებული ინფორმაციით ისინი დაკავებულები არიან. აღნიშნულ ინფორმაციას საქართველოს ფეხბურთის ფედერაცია განცხადებით ეხმაურება:

„გვსურს, გამოვეხმაუროთ ქართულ და თურქულ მედიაში გავრცელებულ ინფორმაციას, რომლის თანახმად, ქალაქ ანტალიის სავაჭრო ცენტრში ქურდობისათვის დააკავეს ანტალიაში სპორტულ შეკრებაზე მყოფი ქართული საფეხბურთო კლუბის – ცხინვალის ფეხბურთელები.

საქართველოს ფეხბურთის ფედერაცია – ფეხბურთის მმართველი ორგანო საქართველოში, რომლის ერთერთი მთავარი ფუნქციაა, არ დაუშვას ქართული ფეხბურთის იმიჯის შელახვა, როგორც ქვეყნის შიგნით, ისე საერთაშორისო მასშტაბით, მოუწოდებს საფეხბურთო კლუბ ცხინვალს, აღნიშნული ინფორმაციის დადასტურების შემთხვევაში, მისი უფლებამოსილების ფარგლებში, მიიღოს შესაბამისი ზომები კანონდამრღვევ პირებთან დაკავშირებით.

საქართველოს ფეხბურთის ფედერაცია გმობს ყველა იმ ქმედებას, რომელიც ჩადენილია კანონსაწინააღმდეგოდ და ნეგატიურად აისახება არამხოლოდ ქართული ფეხბურთის, არამედ ქვეყნის რეპუტაციაზე”, – ნათქვამია განცხადებაში.

თაიმერი timer.ge
ავტ.: თაიმერი timer.ge თებერვალი 22, 2019 11:44

Google სტატისტიკა


4,416
ვიზიტორი
დღეში
Powered By Google Analytics