“დღეს 9 აპრილის ტრაგედიიდან 36 წელი გავიდა. ჩვენ ვიხსენებთ თავისუფლებისთვის მებრძოლ 21 უდანაშაულო მსხვერპლს და ასობით დაშავებულს, როდესაც ქართველები მამაცად იდგნენ ერთმანეთის გვერდით, საქართველოს თავისუფლებისა და დამოუკიდებლობისთვის ბრძოლაში”- წერია აშშ-ის საელჩოს განცხადებაში, რომელიც სოციალურ ქსელში გავრცელდა. საელჩო რობინ დანიგანის ფოტოსაც აქვეყნებს, რომელმაც 9 აპრილის მემორიალი გვირგვინით შეამკო.
