„ქართული ოცნების“ პოლიტიკური გუნდის სამუშაო შეხვედრას მოდერაციას უცხოელი სპეციალისტები უწევენ

region
: region იანვარი 8, 2019 18:10

„ქართული ოცნების“ პოლიტიკური გუნდის სამუშაო შეხვედრას მოდერაციას უცხოელი სპეციალისტები უწევენ

საპარლამენტო ფრაქცია „ქართული ოცნების“ თავმჯდომარე მამუკა მდინარაძე აცხადებს, რომ მმართველი პოლიტიკური გუნდის სამუშაო შეხვედრას მოდერაციას უცხოელი სპეციალისტები უწევენ.

„მიმდინარეობს სემინარი, რომელშიც ჩართულია პრაქტიკულად ყველა მინისტრი, პრემიერ-მინისტრი, ბევრი პარლამენტარი, თუმცა ნაწილი დღეს არ იღებს მონაწილეობას. ისინი მონაწილეობას სემინარის შემდეგ ეტაპზე მიიღებენ. სემინარი ემსახურება მთავრობისა და საკანონმდებლო ორგანოს კოორდინაციის გაუმჯობესებას, ასევე, მენეჯმენტის გაუმჯობესებას ამ მიმართულებით. მასში ჩართული არიან ასევე უცხოელი სპეციალისტები და ვფიქრობ, რომ ასეთი სემინარები, რომელიც კარგად აპრობირებულია ევროპის ქვეყნებში, მართლაც გააუმჯობესებს კოორდინაციას მთავრობასა და პარლამენტს შორის“, – განაცხადა მამუკა მდინარაძემ.

ჟურნალისტები დაინტერესდნენ, არიან თუ არა შეხვედრაზე ეკა ბესელია, გედევან ფოფხაძე და ლევან გოგიჩაიშვილი.

„ამ შეხვედრას არ ესწრება დაახლოებით ასამდე დეპუტატი. რატომ არ მისვამთ კითხვას სხვა დანარჩენების შესახებ. ამ დღეებში განვითრებული მოვლენები არაფერ შუაშია, ეს სემინარი დაახლოებით ერთი თვის წინ დაიგეგმა. წინასწარ შედგა სია, ამ სიაში ეს ადამიანები თავიდანვე არ იყვნენ, ორგანიზატორების მიერ ეს ადამიანები მოწვეული არ იყვნენ ისევე, როგორც ბევრი სხვა. ორგანიზატორია საქართველოს მთავრობა და საკანონმდებლო ორგანო და უცხოელი სპეციალისტები მოვიწვიეთ ამ სემინარის მოდერაციისთვის“, – განაცხადა მამუკა მდინარაძემ.

region
: region იანვარი 8, 2019 18:10

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


11,901
ვიზიტორი
დღეში
Powered By Google Analytics