საპრეზიდენტო არჩევნებზე „ქართული ოცნება“ კანდიდატს არ წარადგენს, – ამის შესახებ პარლამენტის თავმჯდომარემ, „ქართული ოცნების“ აღმასრულებელმა მდივანმა ირაკლი კობახიძემ პარტიის ცენტრალურ ოფისში გამართული შეხვედრის შემდეგ განაცხადა.
“დღეს შედგა პარტიული შეხვედრა, სადაც განვიხილეთ მნიშვნელოვანი საკითხი, მათ შორის, მივიღეთ გადაწყვეტილება საპრეზიდენტო არჩევნებზე „ქართული ოცნების“ ჩართვის თაობაზე. მიღებული იქნა პრინციპული გადაწყვეტილება, რომ „ქართული ოცნება“ არ წარადგენს თავის კანდიდატს არჩევნებზე“, – განაცხადა კობახიძემ.
მისი თქმით, „ქართული ოცნება“ საპრეზიდენტო კანდიდატების სრულ სიას გადახედავს და მოგვიანებით მიიღებს გადაწყვეტილებას, თუ რომელ კანდიდატს დაუჭერს.
“ქართული ოცნების“ ოფისში დღეს პოლიტსაბჭოს წევრების, მთავრობის წარმომადგენლებისა და უმრავლესობის შეხვედრა გაიმართა.